Më 24 prill, ALTA Academy, në bashkëpunim me Dhomën Kombëtare të Zejtarisë së Shqipërisë dhe Dhomën e Zejtarisë Koblenz, organizoi një sesion informues për furrtarinë dhe pastiçerinë për studentët e saj, në kuadër të Projektit të Partneritetit ndërmjet Dhomave dhe Shoqatave.

Ky projekt synon të promovojë certifikimin si ndihmës-mjeshtër (journeyman) dhe mjeshtër sipas standardeve gjermane, si dhe të forcojë lidhjet ndërmjet Dhomës Kombëtare të Zejtarisë së Shqipërisë dhe partnerëve lokalë.

Aktiviteti përfshiu trajnim praktik për studentët, duke u ofruar atyre mundësi për të zhvilluar aftësitë në mënyrë konkrete. Gjithashtu, u mbajtën fjalë përshëndetëse nga Artur Duçkallari, President i Alta Group, Koli Sinjari, Kryetar i Dhomës Kombëtare të Zejtarisë së Shqipërisë, dhe Gëzim Peshkëpia, Kryetar i Shoqatës Shqiptare të Bukës, Pastiçerisë dhe Brumërave.